Gudoomiyihii degmada Hodon oo xilka ku wareejiyey gudoomiye cusub

Muqdisho – Mareeg.com: Guddoomiyaha cusub ee degmada Hodan ee gobolka Banaadir, Cabdulqaadir Cali Kulane ayaa kala wareegay xilka guddoomiyihii hore ee degmadaas Cabdi Maxamuud Warasame Dhabaney.

Guddoomiyihii hore ee degmada ayaa sheegay inuu la shaqeynayo guddoomiyaha cusub iyo maamulka degmada ee uu hoggaaminayo.

Cabdulqaadir Cali Kullane, guddoomiyaha cusub ee degmada Hodan ee gobolka Banaadir ayaa guddoomiyihii hore ku ammaanay wax qabadkiisii, wuxuuna ballanqaaday inuu sii dar-dar galinayo dadaalkii guddoomiyihii hore.

Wareegto dhowaan ka soo baxday xafiiska guddoomiyaha gobolka Banaadir, ahna duqa magaalada Muqdisho, Xasan Maxamed Xuseen ayaa xilka loogu magacaabay Cabdiqaadir Kulane.

Waxaa horay gudoomiyaal cusub loogu dhiibay degmooyinka Xamar Jajab, Shibis, Kaaraan, Boondheere, Dharkeynley, Dayniile, Hiliwaa, Waabari, Xamarweyne iyo C/caziiz.

Waxaa weli xilalkoodii haya gudoomiyaaha degmooyinka Wadajir, Wardhiigley, Yaakhshiid iyo Shangaani, inkasoo wararka qaar sheegayaan in xilka laga qaaday gudoomiyaha degmada Shangaanni.

Mareeg Media

About A warsame 9751 Articles
Published by A Warsame .He can be reached by news@mareeg.com or Mobile :+447737886245