Gudoomiyaha Jaaliyadda Soomaaliyeed ee Queensland ee dalka Australia Faysel Ahmed Selat oo booqasho ku bixiyay gobalka Geeska Afrika gaar ahaan dalalka Kenya iyo Soomaaliya ayaa dib ugu laabtay magaalada Logan ee Queensland.
Gudoomiye Faysal ayaa intii uu joogay magaalooyinka Nairobi iyo Muqdisho wuxuu kulamo kala duwan la qaatay mas’uuliyiin katirsan dowladda Federalka Soomaaliya oo isugu jira Xildhibaano, wasiiro siyaasiyiin , Aqoonyahano iyo qaar kamid ah madaxdii dalka soo martay.
Inta uu ku guda jiray kulamadiisa Gudoomiye Faysel Ahmed Selat ayaa waxa uu kala sheekeystay mas’uuliyiinta uu la kulmay Geedi socodka dalka, nabadeynta, amniga, doorashooyinka iyo waliba xaaladaha Bini’aadanimo ee ka taagan dalka.
Qaar kamid ah madaxda uu la kulmay Gudoomiyaha waxaa kamid ah Gudoomiyaha Golaha Shacabka Sheekh Aadan Madoobe, madaxweynihii hore ee Soomaaliya Sheekh Shariif Sheekh Axmad iyo waliba Ra’isul wasaarihii hore ee dalka Cabdi Faarax Shirdoon Saacid.
Hadaba Hoos ka daawo qaar kamid ah madaxda iyo mas’uuliyiinta uu la kulmay Gudoomiyaha.
@Mareeg waxaa ka daalacan kartaa wararka iyo warbixnada la xiriira Soomaaliya had iyo jeer
Shabakadda Wararka Mareeg
Mogadishu-Somalia
