Guddoomiyaha Baarlamaanka oo goor dhow war ka soo saaraya Mooshinka laga keenay Madaxweynaha

Read Time:55 Second

Guddoomiyaha Baarlamaanka Federaalka Soomaaliya Maxamed Mursal Sheekh C/raxmaan ayaa lagu wadaa in saacadaha soo socda uu war ka soo saaray mooshinka muranka badan dhaliyay ee 9-kii bishan laga keenay Madaxweyne Farmaajo.

Ilo wareedyo kala duwan ayaa xaqiijinaya in Guddoomiye Mursal uu ku dhawaaqi doono in Mooshinka laga keenay Madaxweynaha laga laabtay, kaddib markii Xildhibaano ka tirsan Baarlamaanka ka laabteen.

Wararka laga helayo hoyga uu Mursal degan yahay ayaa sheegaya inuu kulamo la leeyahay Xildhibaanadii mooshinka ka keenay Madaxweynaha, waxaana kulanka kaddib laga soo saari doonaa war saxaafadeed.

Muran badan ayaa ka taagnaa sharciyadda Mooshinka, iyadoo labada dhinac ee Xildhibaanada ay isku khilaafsanaayeen hab raaca loo maray Mooshinka, kaddib markii ay soo baxday in 14 Xildhibaan ay sheegeen in laga been abuurtay saxiixooda.

Mooshinka laga keenay Madaxweynaha ayaa dalka gelisay qalalaase aan la fileyn, waxaana hakaday kulamadii baarlamaanka, sidoo kale Guddoonka Baarlamaanka ayaa ku kala qeybsaday, waxaa Hotelada Muqdisho hareeyay kulamo iska soo horjeeday.

Lama oga waxa lagu xaliyay mooshinka, iyadoo maalmihii la soo dhaafay ay socdeen wada hadalo hoose oo Madaxda dowladda ka lahaayeen arrimaha mooshinka iyo xaaladaha uu dalka geliyay.

About Post Author

A warsame

Published by A Warsame is senior Editor and managing Director of Mareeg Media Whatup :+447737886245
Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %