Guddiyada Doorashooyinka oo loo soo xirey tababar u socday muddo 3 cisho ah * Mareeg.com somalia, World News and Opinion.
Mareeg Media
Somalia

Guddiyada Doorashooyinka oo loo soo xirey tababar u socday muddo 3 cisho ah

Wasiiru-dowlaha Xafiiska Ra’iisul Wasaaraha Xukuumadda Federaalka Soomaaliya Cabdixakiin Xasan Ashkir ayaa soo xiray tababar muddo 3 cisho ah u socday Guddiyada Doorashooyinka heer federaal, heer dowlad-goboleed iyo xallinta khilaafaadka.

Muddada uu tababarka socday ayaa waxaa si faah faahsan guddiga uga doodeen diyaarinta jadwalka doorashada oo faah faahsan, Miisaaniyadda, anshaxa doorashada iyo daah-furnaanta, cadaaladda iyo hufnaanta doorashada.

Cabdixakiin Xasan Ashkir ayaa kula dardaarmay Guddiyada Doorashooyinka heer federaal, heer dowlad-goboleed iyo xallinta khilaafaadka in ay si cadaalad ah oo hufan u dhaqan geliyaan aqoonta iyo tababarka ay qaateen,islamarkaana ka soo dhalaalaan dadaalkii lagu bixiyay.

Ra’iisal wasaaraha xukuumadda Federaalka ayaa 30-ka bishii juun 2021, tababarkan u furay Guddiyada Doorashooyinka Heer Federaal, Heer Dowlad-goboleed iyo Xallinta Khilaafaadka,isagoo kula dardaarmay in ay doorashada u maamulaan si hufan, daahfuran oo aan cidna lala jirin lagana jirin, wuxuuna u rajeeyay in uu Eebbe ku garab galo howshaas culus ee muhiimka u ah masiirka dalka.

Muqdisho-Somalia

Get real time updates directly on you device, subscribe now.

Comments are closed.

This website uses cookies to improve your experience. We'll assume you're ok with this, but you can opt-out if you wish. Accept Read More

Mareeg.com somalia, World News and Opinion.