Guddiga lagu muransan yahay ee Doorashada oo  Dalab u diray saddex Maamul * Mareeg.com somalia, World News and Opinion.
Mareeg Media
Somalia

Guddiga lagu muransan yahay ee Doorashada oo  Dalab u diray saddex Maamul

Guddiga lagu muransan yahay ee Hirgelinta Doorashooyinka Heer Federaal ayaa ka dalbaday dowlad goboleedyada iney bilaabaan doorashooyinka xubnaha aqalka sare, iyagoo dhinaca kalena soo saaray habraacyada doorashada iyo foomamka ay buuxinayaan musharaxiinta Aqalka sare.

Qoraal kasoo baxay Guddiga ayaa Mamaulada loogu baaqay inay in ay qaataan doorkooda kaga aaddan fulinta hawlaha doorashooyinka iyo in ay guddiyada iyo shacabka Soomaaliyeed kala shaqeyaan sidii ay doorashooyinka u guuleysan lahaayeen.

Arrintan ayaa ku soo beegmeysa xili Maamul goboleedyada qaarkood iyo siyaasiyiita mucaaradka ay si weyn u diidan yihiin guddiga doorashada iyo habka ay DF u wajaeyso doorashooyinka.

Lama oga maamulada Galmudug, Hirshabeelle iyo Koonfur Galbee ay fulin doonaan dalabka uga yimid Guddiga lagu muransan yahay ee Hirgelinta Doorashooyinka heer Federaal, xili uu weli taagan yahay muranka doorashada.

Hoos ka Akhriso Qoraalka kasoo baxay Guddiga doorashada heer Federaal.

Guddiga Hirgelinta Doorashooyinka Heer Federaal (GHDHF) ee 2020/21 isagoo tixraacaya faafinta rasmiga ahayd ee dhaqan galinta doorashada isla markaasna ahmiyad wayn siinaya dardargalinta howlaha doorashooyinka dalka ayuu maanta oo ay tahay 26ka Diseembar, 2020 u kala diray Dowlad Goboleedyada xubnaha ka ah Dowladda Federaalka Soomaaliya habraacyada doorashada iyo foomamka ay u baahan yihiin inay buuxiyaan musharxiinta doorashada kuraasta Aqalka Sare.

Guddiga ayaa sidoo kale ka codsaday Dowlad Goboleedyada in ay si rasmi ah u bilaabaan diwaangalinta iyo qabashada araajida musharixiinta Golaha Aqalka Sare.

Guddiga wuxuu garawsan yahay baaxadda howsha hortaala iyo waajibaadka loo igmaday, wuxuu ku boorriyey mas’uuliyiinta Dowlad Goboleedyada in ay qaataan doorkooda kaga aaddan fulinta hawlaha doorashooyinka iyo in ay guddiyada iyo shacabka Soomaaliyeed kala shaqeyaan sidii ay doorashooyinka u guuleysan lahaayeen, una noqon lahaayeen kuwo daah furan oo xor iyo xalaal ah.

Guddiga Hirgelinta Doorashooyinka Heer Federaal waxay markale adkaynayaan in Madaxda iyo Barlamaannada Dowlad Goboleedyada ay kaalintooda ka qaataan sidii ay doorashadu ugu qabsoomi lahayd xiligeeda.

Get real time updates directly on you device, subscribe now.

Comments are closed.

This website uses cookies to improve your experience. We'll assume you're ok with this, but you can opt-out if you wish. Accept Read More

Mareeg.com somalia, World News and Opinion.