Guddiga doorashada dalka oo Gudoomiye ku meel gaar ah doortay iyo Maxamed Cirro oo iscasilay * Mareeg.com somalia, World News and Opinion.
Mareeg Media
Somalia

Guddiga doorashada dalka oo Gudoomiye ku meel gaar ah doortay iyo Maxamed Cirro oo iscasilay

Kulan rasmi ah oo ay maanta yeesheen guddiga hirgelinta doorashooyinka heer Federaal ayaa u doortay Mudane Muuse Geele Yuusuf gudoomiyaha kumeel gaarka ah ee guddiga.

Guddoonkaan cusub ee ku meel gaarka ah ayaa hawshiisu tahay qaban qaabada iyo qabashada gudoonka guddiga Qaran ee hagaya doorashada.

Sidoo kale gudoomiyaha ayaa dhisay guddi ka kooban shan(5) xubnood oo qabanaya doorashada gudoomiyaha iyo gudoomiye ku xigeenka oo dhici doonta maalinta Axadda ee ku beegan 4-July-2021.

Goobta lagu doortay guddoomiyaha ku meel gaarka ah waxaa kh sugnaa guddoomiyahii hore ee guddiga Maxamed Xasan Cirro, kaaso goobta isaga casilay xilkii guddoomiyenimo, islamarkaana sheegay inuu ku wareejiyay guddoomiyaha cusub uuna la shaqeyn doono.

Shacabka Soomaaliyeed iyo waliba Beesha Caalamka ayaa il gaar ah ku wada eegaya qabsoomida doorasho loo dhan yahay oo dalka ka qabsoonta, taas oo laga sugayo Raysal wasaaraha Soomaaliya.

Lama oga shaqsiga oo noqon doono gudoomiyaha cusub ee guddiga doorashooyinka kaa oo saameyn weyn ku yeelan doono doorashada Soomaaliya.

Muqdisho-Somalia

Get real time updates directly on you device, subscribe now.

Comments are closed.

This website uses cookies to improve your experience. We'll assume you're ok with this, but you can opt-out if you wish. Accept Read More

Mareeg.com somalia, World News and Opinion.