Ganacsato lagu xirey magaalada Jowhar oo xabsiga laga sii daayay — Mareeg.com somalia, World News and Opinion.
Mareeg Media
Somalia

Ganacsato lagu xirey magaalada Jowhar oo xabsiga laga sii daayay

Wararka ka imanaya magaalada Jowhar ee xarunta maamulka Hirshabeele ayaa sheegaya in gelinkii dambe ee maanta la sii daayay ganacsato lagu xirey kadib markii ay gaareen deegaan ay ka taliyaan ururka Al-Shabaab.
Sii deeynta ganacsatadan oo tiradoodu gaareyso 17 ayaa ka dambeysay kadib dadaalo badan oo ay sameeyeen ganacsatada iyo duqeyda dhaqanka ee magaalada Jowhar.

Ganacsatadan la sii daayay ayaa waxaa ay sheegeen inaysan u qalmin in la xiro balse ay jawaab ka sugayaan maamulka gobolka Sh/dhexe inay raali gelin ka bixiyaan xarigooda.
Ganacsatadan ayaa waxa ay kula kulmeen deegaan ay ka taliyaan Al-Shabaab saraakiil ka tirsan ururkaas iyadoo lagu amray ganacsatada inay bixiyaan lacagaha zakada ah.

Taliska ciidamada Nabad Sugida Gobolka Sh/dhexe ayaa hore uga mamnuucay shacabka gobolka Sh/dhexe inay tagaan deegaanada ay ka taliyaan ururka Al-Shabaab hase yeeshee dadka ayaa u aada arrimo la xiriira garsoorka deegaanada ay ka taliyaan Al-Shabaab.

Get real time updates directly on you device, subscribe now.

Find a Job.

Comments are closed.

This website uses cookies to improve your experience. We'll assume you're ok with this, but you can opt-out if you wish. Accept Read More

Do NOT follow this link or you will be banned from the site!