Gaari Magaalada Muqdisho ka waday Wacyi-gelinta COVID-19 oo la Qarxiyey * Mareeg.com somalia, World News and Opinion.
Mareeg Media
Somalia

Gaari Magaalada Muqdisho ka waday Wacyi-gelinta COVID-19 oo la Qarxiyey

Warar dheeraad ah ayaa laga helayaa qarax lala eegtay gaari nooca raaxada ah oo barqadii Maanta ka dhacay agagaarka Garoonka kubadda Cagta ee Qoob-doore ee degmada Kaaraan ee Gobolka Banaadir.

Qarax oo ahaa miino ayaa lala eegtay gaariga oo ay ku xirnaayeen Sameecado waaweyn oo dadka looga wacyi-gelinayay Cudurka halista ah COVID-19, waxaana qaraxaas ka dhashay khasaaro dhimasho iyo dhaawac.

Dad goobjoogayaal la hadlay warbaahinta gudaha ayaa u sheegay in qaraxaas uu ku dhintay hal qof oo ah Darawalkii waday gaariga la qarxiyay, halka ay ku dhaawacmeen saddex Askari oo la socday gaariga.

Ciidamo ka tirsan kuwa Booliska dowladda Federaalka ayaa tegay goobta uu qaraxu ka dhacay, isla markaana xiray waddooyinka halkaas gala , sidoo kalena wada baaritaano kala duwan oo ku aadan qaraxa.

Laamaha amniga dowladda Federaalka ayaa weli wax war ah kasoo saaray qaraxaas khasaaraha geystay eek a dhacay degmada Kaaraan, waxaana markii ugu horreeysay ee la qarxiyo gaari lagu xiray sameecado dadka looga wacyi-gelinayo Cudurka COVID-19.

Get real time updates directly on you device, subscribe now.

Comments are closed.

This website uses cookies to improve your experience. We'll assume you're ok with this, but you can opt-out if you wish. Accept Read More

Mareeg.com somalia, World News and Opinion.