Gaalkacyo: Qarax Geystay Khasaare Nafeed Oo Ka Dhacay Qeybta Woqooyi * Mareeg.com somalia, World News and Opinion.
Mareeg Media
Somalia

Gaalkacyo: Qarax Geystay Khasaare Nafeed Oo Ka Dhacay Qeybta Woqooyi

Gaalkacyo – Mareeg.com: Ialaa 5 qof ayaa ku dhimatay, toddobo kalena way ku dhaawacantay qarax nooca rumuutka laga hago ah oo maanta ka dhacay agagaarka xarun caafimaad oo ku taalla magaalada Gaalkacyo.

Qaraxa ayaa ka dhacay Waqooyiga Gaalkacyo gaar ahaana jidka laamiga ah ee u dhaxeeya suuq lugu magacaabo Barwaaqo iyo Isbitaalka GMC ee magaalada.

Dadka dhintay iyo kuwa dhaawacmay ayaa ahaa dad rayid ah oo marayay halka uu qaraxu ka dhacay, lamana oga cidda uu bar-tilmameedku ahaa.

Guddoomiyaha gobolka Mudug ee Puntland Maxamed Yuusuf Jaamac ayaa cambaareeyay falka, wuxuuna ku eedeeyay Al-Shabaab.

Wuxuu sheegay inay baarayaan ciddii ka dambeysay qaraxa, isagoo u tacsiyeeyay ehelada dadka geeriyooday, kuwa dhaawaca ahna u rajeeyay caafimaad deg-deg ah.

Duqa degmada Galkacyo Axmed Cali Salaad ayaa sheegay in qaraxyadu ahaayen labo, wuxuuna xusay in kii hore uu dhacay iyadoo aysan meesha marey cid maamul ama ciidan ah, hase ahaatee qarax labaad markii goobta dad badan isugu yimaadeen.

Xubno ka tirsan maamulka gobolka Mudug qeybta Puntland ayaa tegay isbitaalka la dhigay dhaawacyada weerarkaas waxyeelladu kazoo gaartay.

Mareeg.com

Get real time updates directly on you device, subscribe now.

Comments are closed.

This website uses cookies to improve your experience. We'll assume you're ok with this, but you can opt-out if you wish. Accept Read More

Do NOT follow this link or you will be banned from the site!