gaadiid xamuul ah oo lagu gubay duleedka degmada Afgooye

Dagaalyahano ka tirsan Al-Shabaab ayaa waxaa la soo sheegayaa iney gaadiid badan ku gubeen degaan lagu magacaabo doonka  oo hoostaga degmada Afgooye ee gobalka Sh/hoose.

Gaadiidka la gubay ayaa waxaa tiradooda lagu sheegay 7 gaari oo ah kuwa qaada xamuulka.

Dadka degaanka ayaa waxay sheegeen in gaadiidkan ay ka yimaadeen degmada Wanle-weyn, kuna sii jeedeen degmada Afgooye.

Gaadiidkan oo Al-Shabaab ay  gubeen galinkii danbe ee shalay ayaa siday dhuxul, ganacsato ku sugan degmada Afgooye ayeyna u rarnaayeen.

Ilaa iyo hadda lama ogo sababta keentay inay Al-Shabaab  gubaan gawaaridan xamuulka ah Sidoo kale ma jiraan weli wax war ah oo ka soo baxay maamulka Sh/hoose iyo Al-shabaab toona.

Mareeg senior news editor since 2001 and he can be reached at news@mareeg.com