FAAH FAAHIN: Al Shabaab oo weeraray Ciidamada Itoobiya * Mareeg.com somalia, World News and Opinion.
Mareeg Media
Somalia

FAAH FAAHIN: Al Shabaab oo weeraray Ciidamada Itoobiya

Warar dheeraad ah ayaa ka soo baxaya weerar Xoogaga Al Shabaab ay ku qaadeen Kolonyo gaadiid ah oo ay wateen Ciidamada Itoobiya ee qeybta ka ah howlgalka AMISOM.

Weerarkan oo gaadmo ahaa ayaa lagu beegsaday Ciidamada Itoobiya oo marayay Degaanka Yarbaale oo qiyaas ahaan 30Km u jira Magaalada Baladweyne ee Xarunta Gobolka Hiiraan.

Iska horimaad culus oo ka dhashay weerarka ayaa labada dhinac ku dhexmaray Degaanka Yarbaale, sida dadka Degaanka ay u sheegeen Mareeg Online.

War ka soo baxay Al Shabaab ayaa lagu sheegay in Weerarka ay ku dileen Askar ka mid ah kuwa Midowga Afrika ee AMISOM.

Waxaa ay sidoo kale xuseen in dhowr gaari oo nuuca Dagaalka ay ku gubeen Weerarkii ka dhacay Degaanka Yarbaale ee Gobolka Hiiraan.

Weli lama oga khasaaraha rasmiga ah ee ka dhashay Dagaalkii labada dhinac ku dhexmaray Duleedka Degmada Baladweyne ee Xarunta Gobolka Hiiraan.

Get real time updates directly on you device, subscribe now.

Comments are closed.

This website uses cookies to improve your experience. We'll assume you're ok with this, but you can opt-out if you wish. Accept Read More

Do NOT follow this link or you will be banned from the site!