Duubabka Dhaqanka Gobolka Hiiraan oo Jowhar ku sii Qul-qulaya

Read Time:41 Second

Magaalada Jowhar ee Xarunta Gobolka Shabeellaha Dhexe waxaa ka socda Qorshayaal lagu Dhameystirayo Shirka Maamul U sameynta Dadka Dega Gobollada Hiiraan iyo Shabeellaha Dhexe,iyadoo halkaasi ay ku sii qul-qulayaan Duubabka Dhaqanka labada Gobol.

Ugaas Maxamed Wali Ugaas Xasan oo ka mid ah Duubabka Dhaqanka Gobolka Shabeellaha Dhexe oo la Hadlay Radio Muqdisho ayaa sheegay in Odayaasha Dhaqanka labada Gobol ay diyaar u yihiin Dhameystirka Shirka Aayaha Gobollada Hiiraan iyo Shabeellha Dhexe.

“ Waxaa Magaalada ku soo qulqulaya Duubabka Dhaqanka shalay shan duub ayaa na soo gaaray maantana labo duub walina waxaan sugeynaa wafdi noo imaandoona maanta wixii dhacay waa laga heshiiyay taasna waxaan uga mahad celinaynaa Dowladda Soomaaliya” Ayuu yiri Ugaas Maxamed Wali.

Dhanka kale Ugaas Maxamed Wali Ugaas Xasan ayaa sheegay in maalmaha soo Aadan ay Dowladda Soomaaliya ka sugayaa Furitaanka Wajiga labaad ee Shirka.

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %
Instagram did not return a 200.