Mareeg Media
Somalia

Duqa Muqdisho oo furay tartanka kubadda Gacanta ee degmooyinka G/Banaadir

Muqdisho, 10-da Luulyo, 2019; Duqa Muqdisho Ahna Guddoomiyaha Gobolka Banaadir Mudane Cabdiraxmaan Cumar Cusmaan (Eng. Yarisow) ayaa galabta Garoonka Wiish ee degmada C/casiis ka furay koob kubadda Gacanta oo loo qabtay Degmooyinka Gobolka Banaadir.

Kulanka daah-furka koobka oo ay ku tar tamayeen Degmooyinka Hodan iyo Xamar-weyne ayaa waxaa kasoo qayb galay maamulka Cayaaraha ee heer gobol, masuuliyiin ka tirsan xiriirka kubadda gacanta Soomaaliya iyo boqolaal dadweyne ah oo usoo daawasho tagay.

Goddoomiyaha Gobolka Banaadir ayaa sheegay in cayaaraha ahmiyad gaar ah u leeyihiin horumarka iyo isdhexgalka bulshada Caasimadda.

“Waxaan halkan ka fureynaa tartanka degmooyinka ee kubada gacanta, shacabka Soomaaliyeed gaar ahaan shacabka caasimadda, waxaan rabnaa inaan uga mahad celino doorka muhiimka ah ee ay ka qaataan horumarka iyo dib-u-dhiska”.

Eng. Yarisow ayaa tilmaamay soo nooleynta kubadda gacanta in ay ka tarjumaysaa aragtida maamulka Gobolka Banaadir uu ku soo nooleynayo sidii ay barisamaadkii ahaan jireen tartamada kala duwan ee cayaaraha.

Maamulka Gobolka Banaadir ayaa wada qorsheyaal ay dhalinyaradu isku dhexgalaan, kagana fogaadaan fekradaha xagjirnimada ah.

Comments are closed.

This website uses cookies to improve your experience. We'll assume you're ok with this, but you can opt-out if you wish. Accept Read More

Do NOT follow this link or you will be banned from the site!