Dowladda Soomaaliya iyo UNHCR oo ka wada hadlay arrimaha qaxootiga * Mareeg.com somalia, World News and Opinion.
Mareeg Media
Somalia

Dowladda Soomaaliya iyo UNHCR oo ka wada hadlay arrimaha qaxootiga

Mogadishu, March 05, 2015 – Wasiirka Arrimaha Dibadda ee Jamhuuriyadda Federaalka Soomaaliya Dr. Abdusalam Hadliye Omer ayaa maanta ku qaabilay Xafiiskiisa, Alessandra Morelli oo ah Wakiilka hey’adda  Qaramada Midoobey ee arrimaha Qaxootiga (UNHCR) u qaabilsan Soomaaliya, oo ay ka wada hadleen kaalinta hey’adaasi ay ka qaadato arrimaha qaxootiga Soomaaliyeed ee ku nool wadamada Kenya, Ethiopia, Djibouti iyo Yemen.

DSC_81581

Dr. Abdusalam Hadliye Omer ayaa sheegay in Soomaaliya ay hiigsaneyso sidii ay u soo ceshan laheyd kaalintii ay ku laheyd gobolka bariga Afrika, si ay u noqoto dowlad nabadda iyo deganaanshaha ku caan ah, kana maran loolan dhiig ku daato iyo dagaalo sokeeye.

Alessandra Morelli ayaa dhankeeda sheegtay in kaalmooyin samafal ay gaarsiiyaan qaxootiga Soomaaliyeed, si loo yareeyo dhibaatooyinka ku heysta dalalka shisheeye.

Kulankani oo ku dhammaaday jawi isfaham leh, ayaa waxaa goob joog ka ahaa qaar ka mid ah Lataliyeyaasha Xafiiska Wasiirka.

Qaxooti Soomaali ah ayaa ku sugan dalal farabadan oo dunida ka tirsan, kuwaasoo ka cararay coladdii 24-kii sano ee lasoo dhaafay ka jiray Soomaaliya.

Faafin: Mareeg Media

Get real time updates directly on you device, subscribe now.

Comments are closed.

This website uses cookies to improve your experience. We'll assume you're ok with this, but you can opt-out if you wish. Accept Read More