Dowladda Somalia oo beenisay in Ciidamo lagu laayey dagaalkii Itoobiya * Mareeg.com somalia, World News and Opinion.
Mareeg Media
Somalia

Dowladda Somalia oo beenisay in Ciidamo lagu laayey dagaalkii Itoobiya

Dowladda Federaalka Soomaaliya ayaa si kulul uga hadashay warar maalmihii lasoo dhaafay lagu faafiyey baraha Bulshada ee ku saabsanaa in Ciidamo Soomaaliyeed oo tababar loogu qaaday dalka Eratariya ay ka dagaalameen Gobolka Tigree-ga ee Itoobiya.

Wasiirka Warfaafinta Xukuumadda Cismaan Abuukar Dubbe oo ka hadlaayay Telefashinka Qaranka ayaa beeniyay wararka laga faafiyay Ciidanka Soomaaliyeed ee la xiriiray inay ka dagaalameen Tigree-ga, isagoo wararkaas ku tilmaamay kuwo been abuur ah.

Waxaa uu sheegay Wasiir Dubbe oo afkiisa ka dhowray dalka Eratariya in nasiib darro ay tahay in Ciidanka Xoogga dalka laga dhex raadiyo arrimo siyaasadeed, wuxuuna caddeeyay in aysan jirin Ciidamo ka dagaalamay waqooyiga dalka Itoobiya.

“Ma jiro ciidan soomaaliyeed oo Tigray ka dagaalamay iyo ciidan ay Itoobiya dowlada soomaaliya weydiisatay, wararka been abuurka ee ku tira ku teenka ee mala awaalka ee ah in Ciidan Soomaaliyeed inay ka dagaalameen Waqooyiga Itoobiay ee Tigray waa waxba kama jiraan”ayuu yiri Wasiirka Warfaafinta Xukuumadda.

Isaga oo hadlaayay Wasiir Cismaan Dubbe ayaa waxaa uu tilmaamay in dadka dacaayada noocaas oo kale ah faafinaya ay ka so horjeedaan oo ay diidan yihiin in Soomaaliya ay yeelato ciidan xoog leh oo amaankeeda ay ku filnaato.

Hadalka Wasiir Dubbe ayaa ku soo aaday, iyadoo maalmihii lsoo dhaafay la sheegayay in Ciidamo Soomaali ah oo tababar u jooga Eratariya ay ka dagaalameen Gobolka Tigree-ga, uuna soo gaaray khasaaro dhimasho iyo dhaawac, sidoo kalena arrintaas ay walaac iyo walbahaar ka muujiyeen waalidiin wiilashooda war iyo wacaalkooda la’aa muddooyinkii u dambeeyay.

Get real time updates directly on you device, subscribe now.

Comments are closed.

This website uses cookies to improve your experience. We'll assume you're ok with this, but you can opt-out if you wish. Accept Read More