Dowladda oo shuruud ku xirtey in Shahaado la siiyo Ardayda Puntland — Mareeg.com somalia, World News and Opinion.
Mareeg Media
Somalia

Dowladda oo shuruud ku xirtey in Shahaado la siiyo Ardayda Puntland

Cabdullaahi Goodax Barre Wasiirka waxbarashada Soomaaliya ayaa sheegay in dowladda dhexe ee Soomaaliya aysan siin doonin Shihaahada dugsiga Sare hadii aysan galin Imtixaanka dowlada dhexe ee Somaaliya Ardayda degaanada Puntland.

Waxaa uu si cad u sheegay Puntland haddii aysan ka qeyb galin imtixaanka dowladda federalka in ardaydooda aan lasiindoonin wax shahaado ah, sidaadarteedna loo baahan yahay in ay isku filnaadaan.

Hadalka Wasiirka ayaa dab ku shiday khilaafka waxbarashada ee ka dhexeeya dowladda federalka Soomaaliya iyo Puntland ka dib markii uu fashilmay wadahadallo ay waddeen xubno ka mid ah Aqalka Sare.

“Puntland waa inay ummadda Soomaaliyeed la mid noqotaa oo imtixaanka la galaan oo shahaadada la qaataan, haddii kale ha isku tashadaan.” Ayuu yiri wasiir Goodax Barre.

Puntland waxay ku eedeysay dowladda federalka inay dagaal kula jirto nidaamka waxbarashada ayna qoraalo u dirtay wadamo badan oo Puntland siiya deeqo waxbarasho, si looga joojiyo.

Get real time updates directly on you device, subscribe now.

Find a Job.

Comments are closed.

This website uses cookies to improve your experience. We'll assume you're ok with this, but you can opt-out if you wish. Accept Read More

Do NOT follow this link or you will be banned from the site!