Mareeg Media
Somalia

Dowladda oo bilaawday Imtixaanka Ruqsad bixinta Nootaayanimada

Wasiirka Wasaaradda Cadaaladda iyo Arrimaha Garsoorka Xukuumadda Soomaaliya  Xasan Xuseen Xaaji ayaa maanta Magaalada Muqdisho ka daah-furay Imtixaanka Ruqsada bixinta Nootaayanimada, kaas oo ay imtixaan u galayaan ku dhowaad 40 qof oo doonaya in ay helaan Ruqsada Nootaayanimada Dalka.

Wasiirka Wasaaradda Cadaaladda, ayaa tilmaamay in Imtixaankaan uu ku soo aadaayo mudDo 30 sano ah kadib in laga hirgaliyo si hufan oo loo siman yahay dalka.

Wasiirka ayaa sidoo kale bogaadiyay Guddiga soo diyaariyay imtixaanka oo ka koobnaa ilaayo 3 hay-adood oo kala ah Wasaaradda Cadaaladda iyo Arrimaha Garsoorka, Maxkamada Racfaanka iyo Jaamacadda Umadda Soomaaliyeed.

Sidoo kale ayaa wasiirka Wasaaradda Cadaaladda Xasan Xuseen Xaaji, kula dar-daarmay, sharciyaqaanada nasiibka u helay in ay galaan Imtixaanka maanta, hadii ay ku guuleystaan ay masuuliyadda hantida umadda ay amaano ku tahay madaama ay dukumiintiyo muhiim ah ay u kala wareejinayan muwaadiniinta Soomaaliyeed, ayna muhiim tahay ilaalinta bad-qabkooda in la ilaaliyo Laguna ilaaliyo sifo sharciga waafaqsan.

 

Get real time updates directly on you device, subscribe now.

Leave A Reply

This website uses cookies to improve your experience. We'll assume you're ok with this, but you can opt-out if you wish. Accept Read More

Do NOT follow this link or you will be banned from the site!