Dowlada Somalia oo maanta si buuxda ula wareegeysa Ciidamada Imaaraatka u tababareen — Mareeg.com somalia, World News and Opinion.
Mareeg Media
Somalia

Dowlada Somalia oo maanta si buuxda ula wareegeysa Ciidamada Imaaraatka u tababareen

Wasaarada Gaashaandhiga Xukuumada Soomaaliya ayaa maanta si buuxda ula wareegeysa Ciidamada Milatariga ee tababareen dowlada Imaaraatka Carabta.

Waxaa maanta la filayaa in xarunta Wasaarada Gaashaandhiga lagu qabto munaasabada maalinta aas aaska ciidanka Milatariga Soomaaliya, waxaana munaasabadaasi Dowlada kula wareegeysa ciidamada Imaaraatka u tababareen.

Wasiirka Gaashaandhigga Xukuumada Soomaaliya Maxamed Mursal Sheekh C/raxmaan, ayaa sheegay in ciidamada Imaaraatka Tababareen yihiin ciidamo hoos taga dowlada Soomaaliya, waxa uuna cadeeyay in maanta si buuxda ula wareegayaan ciidankan.

“Ciidamada la tababaray sida ciidanka lagu tababaro Xerada Jeneraal Gordan Imaaraadka ay tababareen, waa ciidan ka tirsan Xoogga dalka Somaliya, ciidankaasi numabaradooda ayaa la siin doonaa, mushaarkoodana dowladda Somaliya ayaa siin doonta, dowladda Somaliya xil ayaa ka saaran ciidanka, Mushaarka Imaaraadka ay bixinayeen waqti ayuu ku ekaa, waqtigiina wuu dhamaaday.” Ayuu yiri Wasiirka Gaashaandhigga Somaliya

Ciidamada Dowlada Imaaraatka ku tababartay magaalada Muqdisho ayaa markii hore aan si toos ah u hoos tagageyn Wasaarada Gaashaandhiga, waxaana ciidanka Mushaarkooda bixinayay Dowlada Imaaraatka Carabta.

Get real time updates directly on you device, subscribe now.

Find a Job.

Comments are closed.

This website uses cookies to improve your experience. We'll assume you're ok with this, but you can opt-out if you wish. Accept Read More

Do NOT follow this link or you will be banned from the site!