Dowlada Shiinaha Oo Ugu Deeqday Lacag Labo Milyan Oo Dollar Hay’adda Q.M. Ee Daryeelka Caruurta Unicef + Sawirro * Mareeg.com somalia, World News and Opinion.
Mareeg Media
Somalia

Dowlada Shiinaha Oo Ugu Deeqday Lacag Labo Milyan Oo Dollar Hay’adda Q.M. Ee Daryeelka Caruurta Unicef + Sawirro

Taariikhda 21/11/207 Munaasabad aad loo agaasimay ayaa lagu qabtay Magaalada Muqdisho taasi ay Dowladda Shiinaha ugu deeqday Hay’adda Q.M. ee Daryeelka Caruurta UNICEF  Jeeg   Deeq ah oo  ay ku qoran tahay lacag gaarysa  2 Milyan oo Dollar, taasi oo lagu daryeelayo Caruurta Soomaaliyed oo tiradoodu  gaarayso  15,000 Caruur ah  oo la soo deristey  nafaqodarro oo ku dhaqan  goboladda Koofurta & Bartamaha Soomaaliya.

Ugu horeyntii waxaa halkaasi hadallo soo dhowayn iyo Mahadcelin ka soo jeediyay Wakiilka UNICEF Somalia Mr. Sreven Luwerier  isagoo aad ugu mahadceliyay  Dowlada Shiinaha iyo shacabkeeda deeqdaaasi waxgalka ah ay  ugu deeqeen Somalia, iyagooo u soo marsiinaya  Hay’adda UNICEF

wuxuu intaasi sii raaciyay Wakiilka UNICEF Mr. Luwerier in loo baahan yahay  in kor loo qaado  lana sii joogteeyo sanadka 2018  si looga hortago macluul ka sii socota Soomaaliya; isagoo caddeeyay Gargaarkan ay bixiyeen Dowlada Shiinaha waqtigan xaadirka uu kaalin weyn uu  ka qaadan doono badbaadunta  nolosha caruurta Soomaaliyeed, wuxuu u rajeeyay inay deeqdani bilow  u noqoto joogtaynta deeqaha Shiinaha siinayo Soomaaliya una soo marsiinayo UNICEF kana wada howl galaan Soomaaliya gudaheeda waxtar weyn ay yeelan doonto mustaqbalka.

Waxaa isagana halkaasi hadal qiimo leh ka jeediay Safiirka Shiinaha ee Soomaaliya Mr.  Qin Jian isagoo yiri “Annaga oo sii marinayna UNICEF  dadka dhibaatada hayso ee ku nool degaanada fog fog ee Soomaaliya  aan  ugu deeqno  gargaar naf badbaadin  ah, wuxuuna intaasi raaciyay in dalkiisa ay ka go’an tahay gargaarka baniadanimada ee ay hoggaaminayso dowlada Soomaalliya waxaana aad ugu faraxsanahay inaann UNICEF kala shaqayno  hubinta baahida dadweynaha Soomaaliyeed ee u nugul dhibaatada  ka jirta Soomaaliya,  gaar ahaan haweenka iyo caruurta isagoo ballan qaaday  inay dadka Soomaaliyeed caawin doonaan waqtigan adag oo ay ku sugan yihiin

Ugu danbeyntii waxaa khudbahihii qaayaha lahaa soo gagabeeyay Wasiir Ku Xigeenka  Maareynta Masiibooyinka iyo Gargaarka ahna ku simaha Wasiirka Wasaaradaasi Md. Cilmi Cumar Caynsane isagoo aad ugu mahadceliyay dowlada Shiinaha dadalkooda iyo deeqsinmada ay ku gar gaaranayaan  dadka Soomaaliyeed xillyadan adag oo ay wajahayaan isagoo ammaanay doorka UNICEF ee u gargaarida ummadda Soomaaliyeed gaar ahaan Hooyada & Dhalaanka.

Isagoo u rajeeyay inay Soomaaliya gaarto inay isku filnaato mustaqbalka sidii ay u maareyn lahayd arrimahooda baniaadanimada,  waxaana gaba gabadii saxiixay  Danjiraha Shiinaha Mr. Qian Jian isagoo si wadajir ah u gudoonsiiay Jeegaasi deeqda ah oo ay ku qoran tahay 2 Milyan Dollar  Wasiir Ku Xigeenka  Maareynta Masiibooyinka iyo Gargaarka ahna ku simaha Wasiirka Wasaaradaasi Md. Cilmi Cumar Caynsane iyo Wakiilka UNICEF Somalia Mr. Sreven Luwerier.

Munaasabadaasi oo ay goob joog ka ahaayeen Madaxda & Shaqaalaha UNICEF oo isugu jirey Soomaali iyo Ajaanib ayaa ku soo gabagabowday jawi farxad  leh iyo rayn rayn leh.

Get real time updates directly on you device, subscribe now.

Comments are closed.

This website uses cookies to improve your experience. We'll assume you're ok with this, but you can opt-out if you wish. Accept Read More

Do NOT follow this link or you will be banned from the site!