Dibad bax looga soo horjeeday kooxda monitoring group oo ka dhacay daljirka Dahsoon * Mareeg.com somalia, World News and Opinion.
Mareeg Media
Somalia

Dibad bax looga soo horjeeday kooxda monitoring group oo ka dhacay daljirka Dahsoon

Dibad bax balaaran oo looga soo horjeeday warbixinada ay ku weeraraan Madaxda iyo Ganacsada Dalka Guddiga la socodka Cunuqabateyn hubka ee saaran Soomaaliya iyo Eritrea, isla markaana lagu taageerayay qorsheyaasha horumarineed ee ay ku talaabsatay dowladda ayaa maanta ka dhacay taalada Daljirka Dahsoon ee degmada Boondheere, waxaana ka qeyb qaadanayay dadweyne aad u fara badan oo ka kala yimid 17-ka degmo ee gobolka.

Dadka isu soo baxa ka qeyb galay oo u badnaa haween iyo waxgarad ayaa sitay boorar ay ku qornaayeen halku dhigyo ay ku muujinayeen sida ay uga soo horjeedaan warbixinnada been abuurka ah ee ay soo saaraan Monitoring group, waxaana halku dhigyadaas ka mid ahaa “jooji dib u celinta Ummadda Soomaaliyeed” iyo suugaan ka turjumeyso in shacabka ay garabtaaganyihiin dowladooda.

Qaar ka mid ah dadkii ka qeyb galayay dibad baxa oo dareenkooda cabiraya ayaa sheegay inay ka soo horjeedaan warbixinada ay soo diyaariyaan guddiga dabagalka cunuqabateynta hubka ee saran Soomaaliya iyo Eritrea.

Qaar ka mid ah waxgaradkii ka qeyb galay isu soo baxa oo halkaasi ka hadlay ayaa isku raacay in warbixinada ka soo baxa guddigaas ay u arkaan kuwo loogu gafo sida ay sheegeen madaxda dalka iyo dadka magaca ku dhex leh bulshada Soomaaliyeed.

Dhawaan ayay markii hogaanka dhaqanka oo Muqdisho shirk u yeeshay ay isku raaceen  in la sameeyo Guddi ka hortaga wararka been abuurka ah ee ay inta badan guddiga dabagalka cunuqabateynta hubka saaran Soomaaliya iyo Eritrea soo saaraan, waxaana dibad baxa maanta ururrada bulshada rayidka ay isugu yimaadeen uu ka turjumaya sida shacabku ugu qanacsanyahay horumarka ay dowladda ku tallaabsatay.

Get real time updates directly on you device, subscribe now.

Comments are closed.

This website uses cookies to improve your experience. We'll assume you're ok with this, but you can opt-out if you wish. Accept Read More

Do NOT follow this link or you will be banned from the site!