Dhimasho iyo dhaawac ka dhashay gaari Amisom oo ku dhacay Webiga Shabeelle

Janaale – Mareeg.com: Gaari ay leeyihiin ciidamada AMISOM ayaa ku dhacay webiga Shabeelle xilli uu xolwi ku marayey buundo ku taalla deegaanka Janaale ee gobolka Shabeellaha Hoose.

Dhacdadaan waxaa warbaahinta u xaqoojiyey guddoomiyaha deegaanka Jannaale, Maxamed Idiris Cabdi, wuxuuna sheegay in falkaasi dhacay xalay.

Maxamed Idiris Cabdi ayaa xaqiijiyay in gaadiidka AMISOM oo xowli ku socday uu mid ka mid ah ka dhacay buundado, kadibna ay dhinteen 3 askari, halka 4 kalena ay dhaawacmeen.

“Xalay fiidkii ayaa gaari ay wateen ciidamada AMISOM oo xowli ku socday ku dhacay webiga, waxaana halkaas ku dhintay saddex askari, afar kalena way ku dhaawacmeen, waxaana dhaawacyadooda loo qaaday Muqdisho,” ayuu yiri guddoomiyaha deegaanka Jannaale Maxamed Idiris.

Ciidamada AMISOM weli kama hadlin shilkaan ay ku dhinteen ciidamadooda ku sugan gobolka Shabellaha Hoose, iyadoo shilkaani yahay kii ugu horreeyey ee nuuciisa ah ee haleela ciidmada AMISOM.

Mareeg.com

About A warsame 9751 Articles
Published by A Warsame .He can be reached by news@mareeg.com or Mobile :+447737886245