Dharbaaxo Xoogan Oo Lagu dhaftay Ciidamado ka tirsan Alshaab Iyo Dagaal Xoog leh Oo Ku dhexmaray Meleeshiye Beeleed…

Read Time:58 Second

Xarardheere ( Mareeg News ) Wararkii ugu danbeeyay ee Dagaal Qaraar oo Alshabaab & Maleeshiyada degaanka ku dhex maray Xarardheere

Warar dheeraad ah ayaa laga helayaa dagaal qaraar oo maanta barqadii tuulada Caad ee degmada Xarardheere ee gobolka Mudug ku dhex maray ciidammo ka tirsan Al-Shabaab oo tuulada joogay iyo malayshiyada degaanka ah oo weerar ku qaaday.

Dagaal ka oo socday muddo ka badan saacad ayaa la sheegay in ciidamada degaanka ay ku dileen ugu yaraan 6 dagaalame oo ka tirsan Alshabaab, iyadoo dhaawacay ku dhowaad 10 kale, sida ay ku warrameen dadka degaanka, waxaana dadka degaanka ka dhintay 2 qof oo mid ka mid ah Al-shabaab ay toogasho ku dileen.

Inkastoo maleeshiyada deegaanka ay saaka qabsadeen deegaanka Caad, ayaa haddana la sheegay in Al-shabaab oo helay Ciidan gurmad ah ay dib ula wareegeen degaankaasi waxaana laga saaray maleeshiyadii degaanka.

Dadka degaanka ayaa ka hor yimid amar ay Al-shabaab ku soo rogtay oo ah inay wiilashooda ku wareejiyaan Alshabaab iyo xoolo joogto ah oo laga qaado Zako ahaan.

Alshabaab ayaa sheegtay inay dileen 15 qof oo uu ku jiro sarkaal watay maleeshiyo ay ku tilmaantay Murtadiin oo magaciisa lagu sheegay Goobe Gureey.

About Post Author

Ahmed weheliye Gaashaan

freelance journalist covering events in Somalia, SocialActivist, writer, PoliticalAnalyst .contact gaashaan1960@gmail.com
Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %