Xildhibaan ka tirsan baarlamanka Kenya oo lagu dilay Nairobi * Mareeg.com somalia, World News and Opinion.
Mareeg Media
Somalia

Xildhibaan ka tirsan baarlamanka Kenya oo lagu dilay Nairobi

Mareeg.com: Xildhibaan ka tirsan baarlamaanka Kenya oo lagu magacaabo, George Muchai ayaa saaka lagu dilay caasimadda dalkaas ee Nairobi, Capital FM ayaa sidaas qortay.

Screen-Shot-2014-11-10-at-8.03.50-PM-563x330

Xildhibaanka waxaa sidoo kale la dhintay darawalkii gaariga u weday iyo 2 ilaalo ah oo la socday.

Booliska Kenya ayaa sheegay in gaariga xildhibaanka lagu horjaray gaari kale saacaddu markii ay aheyd 4.30 am waqtiga Nairobi, saaka oo sabit ah, kadibna rasaas lagu furay.

Xildhibaan_lagu_dilay_Nairobi

“Waxaa dhamaantood laga toogtay meel dhow” sidaas waxaa warbaahinta u sheegay sarkaal ka tirsan booliska oo ka mid ahaa dadkii ugu horreeyey ee gaaray goobta lagu dilay xildhibaanka iyo saddexda la socotay.

Madaxda ugu sarreysa booliska Kenya oo uu ka mid yahay agaasimaha CID, Ndegwa Muhoro ayaa tegay goobta weerarkaasi ka dhacay.

Hogaamiyaha Xisbiga CORD, Raila Odinga ayaa dilka xildhibaankaas ku tilmaamay dhibaato ku dhacday umadda Kenya.

Ma jirto cid ilaa hadda sheegatay weerarka lagu dilay xildhibaankaas lagu magacaabi jiray George Muchai, kaasoo ka tirsanaan xisbiga ODM.

Mareeg Media

Get real time updates directly on you device, subscribe now.

Comments are closed.

This website uses cookies to improve your experience. We'll assume you're ok with this, but you can opt-out if you wish. Accept Read More

Do NOT follow this link or you will be banned from the site!