Dayniile:Dagaal u dhaxeeyo ciidamo beeleed oo ka socda Muqdisho

Iska hor imaad xoog leh oo u dhaxeeya ciidamo ka wada tirsan dowladda ayaa ka socda agagaarka Haanta dheer iyo Xero 77 ee degmada Dayniile ee magaalada Muqdisho.

Sida ay sheegayaan wararka rasaas culus ayaa laga maqlayay aagga lagu dagaalamayay wax yar kaddib salaadii maqrib.

Dagaalka ayaa u dhaxeeya labo ciidan oo qaab beeleed u abaabulan, kuwaasoo ku muransan dhulal halkaas ku yaalla oo lakala xooggay.

Todobaadkii hore ayay aheyd markii sidan oo kalr ay ciidamo ka wada tirsan dowladda ku dagaalameen aaggaas.

Iska hor imaadkan ka socda nawaaxiga Haanta Dheer iyo xero 77 ayaa ku soo aadaya, iyadoo xiisada siyaasadeed ee ka jirta magaalada Muqdisho uu cirka isku shareeray, waxaana maalmihii la soo dhaafay soo galayay magaalada ciidamo fara badan.

About A warsame 9751 Articles
Published by A Warsame .He can be reached by news@mareeg.com or Mobile :+447737886245