Danjire Ameeriko oo dhar u qeybiyey maxaabiis Soomaali ah oo ku xiran Mombasa * Mareeg.com somalia, World News and Opinion.
Mareeg Media
Somalia

Danjire Ameeriko oo dhar u qeybiyey maxaabiis Soomaali ah oo ku xiran Mombasa

Mareeg.com: Safiirka dowlada Soomaaliya u fadhiya dalka Kenya danjire Maxamed Cali Nuur (Ameriko) ayaa magaalada Mombasa ee xarunta gobolka Xeebta ee dalka Kenya ku booqday 122 maxaabiis Soomaali ah oo ku xiran xabsiga Shimo La Tewa ee magaaladaas.

107- ka mid ah dadka xiran ayaa lagu eedeeyay burcad badeenimo, badankoodna waa la xukumay.

Danjire Cali Ameeriko ayaa warbaahinta u sheegay in uu u kuurgalayay xaaladda caafimaad ee maxabiista Soomaalida, salaaddii Jimcaha ee shalayna ay wada tukadeen, islamarkaana uu kala hadlay maamulka xabsiga sidii ay u heli lahaayeen adeeg caafimaad iyo caddaalad.

Cali Ameriko ayaa tilmaamay in dowladaha Soomaaliya iyo Kenya uu u socdo wada hadal ku aaddan in maxaabiista Soomaalida ee loo heysto eedaha la xiriira burcad badeednimada xukunkooda lagu qaado gudaha Soomaaliya, kuwa la xukumayna lagu wareejiyo dowladda Soomaaliya.

Danjire Ameeriko ayaa Soomaalida ku xiran xabsiga Shimo La Tewa u qeybiyay dhar ay ku ciidaan, maalinta barri ah oo guud ahaan dunida Muslimka looga dabaal degayo Ciiddul Adxa.

Ma ahan markii u horeysay oo safiirka dowlada soomaaliya u fadhiya Kenya uu booqdo maxaabiista Soomaaliyeed ee ku xiran xabsiga Shimo La Tewa, waxana horey uu u booqday mudo dhowr jeer ah.

Kenya ayaa gacanta ku heysa Soomaali farabadan oo qaarkood loo xiray arrimo burcad badeed, halka qaar kalana loo xiray arrimo socdaal.

Mareeg Media

Get real time updates directly on you device, subscribe now.

Comments are closed.

This website uses cookies to improve your experience. We'll assume you're ok with this, but you can opt-out if you wish. Accept Read More

Do NOT follow this link or you will be banned from the site!