Danjiraha Mareykanka ee Koonfurta Kuuriya oo mindi lagu dhaawacay

Mareeg.com: Danjiraa Mareykanka u fadhiya dalka Kuuroyada Koonfureed, Mark Lippert ayaa la dhaawacay kadib markii isagoo xaflad ka qeybgelaya uu mindi yar kusoo weeraray nin goobta wax ka joogay.

Mr Lippert oo 42-jir ah ayaa xilliga la weeraray ka qeyb galayay farshaxan, waxaana dhaawac kasoo gaaray wajiga.

Dhaawaca Safiirka ayaa loo qaaday Isbitaal ku yaal magaalada Seoul, inkastoo aanay xaaladiisa aheyn mid qatar ah

Ninka weeraray safiirka Mareykanka oo 55-jir ah ayaa gacanta lagu dhigay, waxaana la weydiinayaa su’aalo.

Wararka ayaa sheegaya in ninka dhaawacay safiirka Mareykanka uu ku qeylinayey “Hala mideeyo Kuuriya”

Madaxweynaha dalka Koofur Kuuriya Park Guen-hye oo ka hadlay weerarka danjiraha ayaa tilmaamay in weerarkan uu yahay mid ka dhan ah Isbaheysiga Koofur Kuuriya iyo Mareykanka.

Madaxweynaha Mareykanka Barack Obama ayaa u rajeeyay danjire Lippert inuu si deg deg ah u soo bogsado.

Kuuriya oo u kala qeybsan labo dal oo Koonfur iyo Woqooyi ah ayaa waxaa dowladda Mareykanka la safan tahay qeybta Koonfurta, arrintaasoo ay si weyn uga soo horjeedaan dadka ku nool Woqooyiga.

Mareeg Media