Dalal reer galbeed ah oo ku baaqay joojinta colaadda Liibiya * Mareeg.com somalia, World News and Opinion.
Mareeg Media
Somalia

Dalal reer galbeed ah oo ku baaqay joojinta colaadda Liibiya

Mareeg.com: Wadamada Maraykanka, Britishka Faransiiska, Jarmalka iyo Talyaaniga ayaa ku baaqay in si dhaqso ah loo joojiyo dagaalka Libya. Bayaan ay soo saareen ayay ku sheegeen inaysan jirin xal milatari siyaasada Libya.

Tobanaan qof ayaa dhawaan ku dhintay magaalada Benghazi dagaal u dhaxeeya mucaaradka islaamiyiinta iyo dowladda. Libya ayaa dagaal uu ka socday tan iyo intii xukunka laga riday Qadafi 2011-dii.

Warka ay soo saareen reer galbeedka ayay ku sheegeen in xoriyadii loo soo halgamay ee Libya inay qatar ku jirto, hadii waddanka uu ku sii socdo inuu ahaado meel ay saldhig ka dhigtaan kooxaha argagixisada ee Libya iyo kuwa caalamiga.

Waxaa ay sheegeen inay ammaanka waddanka wax ka qaban karaan oo kaliya ciidan ay la xisaabtami karto dowlad dimoqraadi ah.

Waxay kaloo sheegeen inay ka walaacsan yihiin dagaal bilawday Arbacadii oo uu hogaaminayo general Khalifa Haftar oo uu kula jiro islaamiyiinta.

Kooxaha islaamiyiinta oo ay ku jiraan Ansar al Sharia, oo ku jira liiska argagixidsada ee Maraykanka ayaa la dagaalamaya dowladda, waxayna baarlamaanka ka saareen magaalo madaxda.

Baarlamaanka dalka Liibiya ayaa hadda saldhig ka dhigtay hotel ku yaala magaalada Tobruk.

Get real time updates directly on you device, subscribe now.

Comments are closed.

This website uses cookies to improve your experience. We'll assume you're ok with this, but you can opt-out if you wish. Accept Read More

Do NOT follow this link or you will be banned from the site!