Dagaal culus oo ka dhacay Gobolka Jubbada Hoose * Mareeg.com somalia, World News and Opinion.
Mareeg Media
Somalia

Dagaal culus oo ka dhacay Gobolka Jubbada Hoose

Wararka naga soo gaaraya Gobolka Jubbada Hoose ayaa waxaa ay sheegayaan in xalay degmada Afmadow ee Gobolkaasi ay ku dagaalameen Ciidamada Dowladda iyo kuwa Jubbland oo dhinac ah iyo Ururka Al-Shabaab.

Dagaalka ayaa yimid kadib markii  Al-Shabaab ay weerarku qaadeen saldhig Ciidamada Dowladda iyo kuwa Jubbaland ku leeyihiin degmadaas Afmadow,waxaana goobjoogayayaal ay sheegeen in dagaal culus uu halkaasi ka dhacay

Saraakiil ka tirsan Ciidamada Jubbaland ayaa waxa ay sheegeen inay iska difaaceen weerarka kaga yimid dhinaca Ururka Al-Shabaab,hayeeshee weli aan la ogeyn khasaaraha labada dhinac kasoo gaaray dagaalkaas.

Wararka Idaacadda risaala ay heleyso ayaa waxaa ay sheegayaan in dagaalkaas Ciidamada Dowladda uu kaga geeriyooday hal askari,balse dhinaca Al-Shabaab khasaaraha kasoo gaaray aan weli wax faah faahin ah lag bixin.

Wararkii u dambeeyey ee haatan naga soo gaaraya degmada afmadow  ayaa waxaa ay sheegayaan in Ciidamada Dowladda iyo kuwa Jubbaland ay wadaan dhaq dhaqaaqyo ciidan, iyaga oo isku fidiyey deegaano kale oo ka tirsan gobolka Jubbada Hoose.

Get real time updates directly on you device, subscribe now.

Comments are closed.

This website uses cookies to improve your experience. We'll assume you're ok with this, but you can opt-out if you wish. Accept Read More

Do NOT follow this link or you will be banned from the site!