Mareeg Media
Somalia

Dad u dacwooday Maxkamad Al Shabaab leeyihiin oo Muqdiho lagu xiray

Ciidamada amaanka dowlada Soomaaliya ayaa xabsiga dhigay labo ruux oo lagu eedeeyay in ay dacwad u aadeen Maxkamad ay leeyihiin Al Shabaab , kadib markii ay ku qanci waayeen xukun kasoo baxay Maxkamada gobolka Banaadir.

Guddoomiyaha Maxkamada Racfaanka Gobolka Banaadir Garyaqaan Abshir Cumar C/llaahi ayaa sheegay in la xiray labo ruux oo dacwad u aaday Maxkamad Al Shabaab leeyihiin, waxa uuna sheegay in dadkan oo watay Dukumiintiyo been abuur ah horey go’aan uga gaareen Maxkamada Racfaanka iyo tan gobolka .

“Afar Qof ayaa loo diray waaran oo intey ka dacwoodeen gobolka laga soo xukumay ka dibna racfaan soo qaatay,Garsoorihii ku qornaa ayaa dacwadda dhageystay oo baaris u diray xeer ilaalinta,waxay soo saartay xeer ilaalintu in decumentigooda uu been abuur yahay, ka bacdi intey carareen ayay u dacwoodeen Al-Shabaab” Ayuu yiri Gudoomiyaha.

Waxa uu sheegay Garyaqaan Abshir in labo kamid ah afarta eedeesane ay baxsad ku jiraan, waxa uuna xusay in dadkan u dacwoodeen Maxkamad Al Shabaab si ay u cabsi galiyaan dadka kale ee kala dhaxeysay dacwada.

Dadka degan magaalada Muqdisho ayaa mararka qaar dacwad u aada Makamada Al Shabaab ee kuyaala gobolka Shabaab, waxaana Maxkamadahaasi marar badan rideen xukuno dad dacwado ka dhaxeysay.

Get real time updates directly on you device, subscribe now.

Comments are closed.

This website uses cookies to improve your experience. We'll assume you're ok with this, but you can opt-out if you wish. Accept Read More

Do NOT follow this link or you will be banned from the site!