Dabley weerar khasaare geystay ku qaaday guri taliye boolis ka deganaa Boosaaso

Mareeg.com: Dabley hubaysan ayaa xalay weerar ku qaaday goob uu magaalada Boosaso ee gobolka Bari ka degan yahay Taliye kuxigeenka ciidanka Booliska Puntland, Muxiyadiin Axmed Muuse (Gacmey).

Iska-horimaad ayaa dhexmaray ragga weerarka soo qaaday oo loo maleynayo iney Alshabaab ka tirsan yihiin iyo ciidamada ilaalada taliye kuxigeenka.

Wararka lehelaayo ayaa sheegaya in hal askari uu geeriyoday labo kalena uu dhaawac soo gaaray, waxaana sidoo kale la sheegay in dagaalka  lagu dilay mid kamid ah kooxdii weerarka gaysatay.

Goobta uu weerarku ka dhacay ayaa udhow xabsiga weyn ee magaalada Boosaso gaar ahaana Hoteelka Panarooma, waxaana kooxda weerarka gaystay ay bartil maameedsadeen ciidamo kusugan Bar-kantarool oo udhow afaafka hore ee guriga Taliye Muxiyadiin.

Ma jirto cid weli sheegatay weerarkaas xalay lagu qaaday guriga taliye ku xigeenka oo ku yaalla xaafada Raf iyo Raaxo ee magaalada Boosaaso.

Mareeg Media

About A warsame 9751 Articles
Published by A Warsame .He can be reached by news@mareeg.com or Mobile :+447737886245