Daawo: Wasiir Soomaali ah oo kormeeraya doorasho ka dhacday dal Afrikaan ah

Read Time:1 Minute, 1 Second

Mareeg.com: Markii ugu horreysay muddo ka badan 20 sano waxaa wasiir ka tirsan dowladda Soomaaliya ka mid noqday koox Afrikaan oo kormeereysay doorasho ka dhacday dalka Mozambique ee dhaca Koonfurta qaaradda Afrika.

C/llaahi Goodax Barre oo ah wasiirka arrimaha gudaha iyo federaalka Soomaaliya ayaa ka mid noqday xubnihii kormeerayay doorashadii madaxnimo ee 15-kii bishan Oktoobar ka dhacday dalka Mozambique.

Goodax iyo ra’iisul wasaarihii hore ee Kenya, ahna hogaamiyaha mucaaradka, Raila Odinga ayaa waxey si wadajir ah u hoggaaminayeen guddiga kormeerka doorashada oo ka socday dalal ka mid ah kuwa qaaradda Afrika.

Wasiir Goodax ayaa intii uu ka qeybqaadanayey kormeerka doorashada la kulmay guddiga doorashada, madaxa maxkamadda sare ee Mozambique iyo madaxweynaha haatan talada haya, Filip Nyusi.

Mozambique oo ka mid ah dalaka colaadaha sokeeyye aafeeyeen ayaa doorashadan waxay u noqonaysaa tii 5-aad oo ka dhacda, ayna dadweyne fara badan usoo baxeen.

Natiijada doorashada Mozambique ayaa lagu wadaa inay dhawaan soo baxdo iyadoo ay doorashadan ka qaybgaleen dad lagu qiyaasay 10-milayn oo ruux oo ka mid ah shacabka dalkaas.

Kormeerka uu ka qeybgalay wasiir Goodax ayaa kusoo beegantay iyadoo lagu wado in sanadka 2016 ay Soomaaliya ka dhacdo doorashada baarlamaanka iyo madaxweynaha oo dadku soo dooranayaan sida la qorsheeyey.

Mareeg Media

About Post Author

A warsame

Published by A Warsame is senior Editor and managing Director of Mareeg Media Whatup :+447737886245
Happy
Happy
0 0 %
Sad
Sad
0 0 %
Excited
Excited
0 0 %
Sleepy
Sleepy
0 0 %
Angry
Angry
0 0 %
Surprise
Surprise
0 0 %