Cod U Qaadista Raysul Wasaaraha Cusub Oo Dib Loo Dhigay Waqtina Loo Qabtay * Mareeg.com somalia, World News and Opinion.
Mareeg Media
Somalia

Cod U Qaadista Raysul Wasaaraha Cusub Oo Dib Loo Dhigay Waqtina Loo Qabtay

Muqdisho, Mareeg.com: Baarlamaanka Soomaaliya ayaa dib u dhigay xilliga R/wasaaraha cusub Cabdiweli Sheekh Axmed oo hor imaanayo si loogu qaado codka kalsoonida.

Baarlamaanka oo maanta lagu weday in madaxweyne Xasan horgeeyo R/wasaare Cabdi Weli ayaa dib u dhac ku yimid, iyadoo taas sabab looga dhigay arrimo farsamo.

Xog-hayaha guud ee baarlamaanka Soomaaliya xildhibaan Cabdil Kariim Xaaji Cabdi “Buux” ayaa sheegay in dib u dhacani ku yimid arrimo farsamo.

Wuxuu sheegay xildhibaan Cabdil Kariim Buux in R/wasaaraha cusub Cabdi Weli Sheekh Axmed uu baarlamaanka horimaan doono maalinta sabtida ah ee bishaan Decembere ku beegan tahay 21.

Madaxweynaha Soomaaliya Xasan Sheekh Maxamuud ayaa 22-kii bishaan R/wasaare u magacaabay Cabdi Weli Sheekh Axmed.

15-kii bishaan ayaa gudoomiyaha baarlamaanka Maxamed Sheekh Cusmaan Jawaari ka codsaday madaxweynaha inuu 18-ka bishaan baarlamaanka hokeeno R/wasaraaha cusub.

Mareeg.com

Get real time updates directly on you device, subscribe now.

Comments are closed.

This website uses cookies to improve your experience. We'll assume you're ok with this, but you can opt-out if you wish. Accept Read More

Do NOT follow this link or you will be banned from the site!