Ciidankii Horay u joogay Golaha Baarlamaanka Oo dib Loogu soo celiyay — Mareeg.com somalia, World News and Opinion.
Mareeg Media
Somalia

Ciidankii Horay u joogay Golaha Baarlamaanka Oo dib Loogu soo celiyay

Muqdisho ( Mareeg News) War goordhow nasoo gaaray ayaa sheegaya in dhismaha Xarunta Golaha Shacabka laga saaray ciidamadii faraha badnaa ee dhawaan la geeyay.

Ciidamadan oo kor u dhaafayey Boqol ayaa la sheegay in markii hore lagu geeyay amarka kasoo baxay Ra’isul wasaare Kheyre.

Ciidamadan ayaa halkaa looga daadgureeyay gaadiidka nooca dagaalka ah, waxaana lagu wareejiyay ciidamo kale, kadib markii amarka dulqaadista la sheegay inuu bixiyay Madaxweyne Farmaajo.

Ciidanka lagu wareejiyay xarunta baarlamaanka ayaa la sheegay in tirro ahaan ay gaarayaan 114 askari oo boolis ah, waxaana ka dhex muuqday qaar ka tirsan ciidamadii horay u ilaalin jiray Xarunta.

Mas’uuliyiin ka tirsan baarlamaanka, gaar ahaan garabka Guddoomiye Jawaari ayaa sheegay in cidankaasi shalay ilaa Saaka laga daadgureynaayay Xarunta, halka ciidanka kalane lagu soo daadgureynaayay.

Talaabadan ayaa kusoo aadeysa xili Madaxweyne Farmaajo uu ku baxay xiisada Siyaasadeed ee kadhex aloosan Guddoonka Baarlamaanka iyo Xildhibaanada Somalia.

Get real time updates directly on you device, subscribe now.

Find a Job.

Comments are closed.

This website uses cookies to improve your experience. We'll assume you're ok with this, but you can opt-out if you wish. Accept Read More

Do NOT follow this link or you will be banned from the site!