Mareeg Media
Somalia

Ciidamada DANAB oo la wareegay xaruntii ugu weyneyd Al-Shabaab

Ciidamada dawladdda Soomaaliya ayaa la sheegay inay saaka qabsadeen degaanka Tooratoorow oo ka tirsan Gobolka Shabeellada Hoose,halkaas o ay ku sugnaayeen Xubno ka tirsan Al-Shabaab.

Ciidamadan degaanka qabsaday ayaa la sheegay inay ka tirsan yihiin guutada Danab oo ay tababareen ciidamada Maraykanka.

Toddobaadkii hore ayey ahayd markii Al-Shabaab ay weerar dhabbagal ah ku qaadeen ciidamo ka tirsan kuwa dawladda oo marayey jidka Afgooye iyo Wanlaweyn, halkaasi oo uu ka dhacay khasaare nafeed iyo mid hantiyeed.

Sanadkii tagay ciidamada dowladda ayaa qabsaday deegaano dhowr ah oo ka tirsan gobolka Shabeellada Hoose.

Muddooyinkii u dambeeyay waxaa deegaankaas la sheegay in lagu uruuriyay lacagaha canshuuraha ee Al-Shabaab ka qaadaan ganacsatada.

Deegaanka Tooratoorow ayaa dhowr jeer oo hore la wareegeen ciidanka dowladda, balse waa ay isaga soo baxayeen, balse labadii sano ee la soo dhaafay Al-Shabaab ayaa si buuxda u maamulayay deegaankan.

Sanadkii la soo dhaafay Ciidanka xoogga dalka ayaa la wareegay deegaano ka tirsan Gobolka Shabeellaha Hoose.

Ma jiro wax war ah oo ku saabsan qabsashada Tooratoorow oo kasoo baxay dowladda Soomaaliya.

Get real time updates directly on you device, subscribe now.

Comments are closed.

This website uses cookies to improve your experience. We'll assume you're ok with this, but you can opt-out if you wish. Accept Read More

Do NOT follow this link or you will be banned from the site!