Ciidanka Danab ee XDS oo khasaare ballaaran u geystay Al Shabaab * Mareeg.com somalia, World News and Opinion.
Mareeg Media
Somalia

Ciidanka Danab ee XDS oo khasaare ballaaran u geystay Al Shabaab

War Saxaafadeed ka soo baxay Xarunta Madaxtooyadda ee Villa Somalia ayaa lagu faahfaahiyey Hawlgal ay Ciiddanka Dowladda iyo kuwa AMISOM kula wareegeen fariisimo ay Alshabaab ku lahaayeen Deegaanka  Aw Dheegle ee Gobalka Sh/Hoose.

War Saxaafadeedkaasi waxa uu u qornaa sidatan:                    

Ciidammada sida gaarka ah u tababaran ee Danab oo ka tirsan Xoogga Dalka Soomaaliyeed, oo ay wehliyaan Ciidanka Nabad Ilaalinta Midowga Afrika ee AMISOM, ayaa waxyeelo xooggan ugu geystey Al Shabaab degaanka Aw-Dheegle ee gobolka Shabeellaha Hoose.

Ciidammada huwanta ayaa cagta mariyay laba xero oo Al Shabaab ay halkaasi ku lahayd, waxaana isla goobtaasi lagu dilay saddex ka mid ah Alshabaab, iyadoo laba gaari oo kuwa dagaalka ahna laga burburiyay.

Ciidanka Danab iyo kuwa Midowga Afrika ayaa markii ay goobtaasi gaareen waxaa iska caabbin ay kala kulmeen Al Shabaab, laakiin ma jiro wax khasaare ah oo soo gaaray Danab iyo AMISOM midkoodna.

Degaanka Aw-Dheegle ayaa waxaa Al Shabaab ay ku lahaayeen baro ay si sharci darro ah dadka lacago uga qaataan.

Ciidammada huwanta ayaa maalmahan gobolka Shabeellaha Hoose ka wadey hawlgalo culus oo ay ku waxyeeleynayaan dhaqdhaqaaqyada Al Shabaab ay gobolka ka waddo.

Ciidanka Danab oo ka mid ah Ciidanka Xoogga Dalka Soomaaliyeed, ayaa waxaa uu ka kooban yahay xubno si gaar ah loogu tababarey inay la dagaalamaan, isla markaana baabi’iyaan argagixisada Al Shabaab ee Soomaaliya ku sugan.

Dowladda Federaalka Soomaaliya ayaa waxaa ka go’an inay sii socdaan hawlgalada Ciidanka Xoogga Dalka Soomaaliyeed iyo kuwa AMISOM ee hadafkoodu yahay in Al Shabaab laga ciribtiro dalka.

©Radio Dalsan

Get real time updates directly on you device, subscribe now.

Comments are closed.

This website uses cookies to improve your experience. We'll assume you're ok with this, but you can opt-out if you wish. Accept Read More

Do NOT follow this link or you will be banned from the site!