Ciidamo gadoodsan oo saaka xiray qaar ka mid ah Wadooyinka Magaalada Garoowe

Read Time:42 Second

Ciidamo gadoodsan ayaa saaka xiray qaar ka mid ah Wadooyinka Magaalada Garoowe ee xarunta Maamulka Puntland.

Jidadka ay ciidanku xireen ayaa waxaa ka mid ah wadada aada xarumaha Wasaaradaha maamulkaas iyo xarunta Madaxtooyada oo ay degan yihiin madaxda sare ee Puntland.

Ciidanka oo ka cabanaya mushahar la’aan ayaa dib u celinaya gaadiidka iyo dadkii wadooyinkaas mari lahaa iyadoo arintaasna ay saameysay shaqooyinkii ka socday Xafiisyada Maamulka iyo xarunta Madaxtooyada.

Taliyaha Ciidanka xasilinta gobolka Nugaal Muxyadiin Axmed Muuse iyo saraakiil kale ayaa wadahadal la leh ciidanka gadoodsan si loogu qanciyo iney xarumahooda ku laabtaan jidadkana baneeyaan,

Qaar ka mid ah ciidankaan ayaa warbaahinta u sheegay in Muddo 7 bilood ah aysan waxba ka suuragelin balan-qaadyo horey loogu sameeyey.

Arintan ayaa ku soo aaday xili Maanta lagu waddo inay gaaraan Magaalada Garowe qaar ka mid ah Madaxda dowlad goboleedyada ka jira dalka.

About Post Author

A warsame

Published by A Warsame is senior Editor and managing Director of Mareeg Media Whatup :+447737886245
Happy
Happy
0 0 %
Sad
Sad
0 0 %
Excited
Excited
0 0 %
Sleepy
Sleepy
0 0 %
Angry
Angry
0 0 %
Surprise
Surprise
0 0 %