Mareeg Media
Somalia

Ciidamo DFS oo la wareegay deegaan u dhow Jamaame

129

Ciidamada xoogga dalka Soomaaliyeed gaar ahaan kuwa Kumaandoosta ee DANAB oo ay wehlinayeen Ciidamo ka tirsan kuwa Maamulka Jubbaland ayaa saakay aroortii hore waxa ay howlgallo ka bilaabeen deegaanada ku yaalla Jiinka Wabiga Jubba ee degmada Jamaame.

Saraakiisha howlgalka hoggaamineysa ayaa waxa ay sheegeen in markii hore ay ciidamada dagaal kula wareegeen deegaan lagu Magacaabo malayley oo u dhow degmada Jamaame,isla markaana weli ay howlgalka sii wadaan.

Sidoo kale waxa ay sheegeen in Goobta ay la wareegeen ay Al-Shabaab ku diyaarin jireen waxyaabaha qarxa,sida miinooyinka wadada la dhigo,kuwaas oo mararka qaar ay dadka Shacabka ah waxyeelo kasoo gaarto.

Mararka qaar ayaa dad goobjoogayaal ah waxa ay sheegeen in la maqlayo rasaas goos goos ah, hayeeshee aysan jirin wax khasaaro ah oo ka dhashay,waxaana lagu soo waramayaa in Ciidamada Dowladda iyo kuwa Jubbaland ay weli howlgalka wadaan.

Get real time updates directly on you device, subscribe now.

Comments are closed.

Do NOT follow this link or you will be banned from the site!