Ciidamada xoogga dalka ee ku sugan Aadan Yabaal oo codsaday in shacabka loo gurmado “Dhageyso” * Mareeg.com somalia, World News and Opinion.
Mareeg Media
Somalia

Ciidamada xoogga dalka ee ku sugan Aadan Yabaal oo codsaday in shacabka loo gurmado “Dhageyso”

Ciidamada xoogga dalka ee ku sugan gobolka Shabeelaha dhexe oo dhawaan si buuxdo ula wareegay guud ahaan degmada Aadan Yabaal ayaa codsaday in gurmad loo fidiyo dadka ku dhaqan magaaladasi, iyagoo xusay in howlgallo ay sameeyeen ay ku dileen saddex ka tirsan Al-Shabaab, midna gacanta lagu dhigay.

Gaashaanle dhexe Yuusuf Cali Caadle oo ka tirsna guutada shanaad ee ciidanka Xoogga dalak Soomaaliyeed, isla markaana la hadlay Radio Muqdisho ayaa sheegay in ciidamada ay la wareegeen guud ahaan degmada Aadan Yabaal ee gobolka Shabeelaha Dhexe, isla markaana uu iminka ku suganyahay ceelkii ay qarxiyeen maleeshiyada Al-Shabaab.

Gaashaanle Dhexe Yuusuf ayaa ka codsaday madaxda sare ee dowladda inay gurmad la soo gaaraan dadka ku nool degmada Aadan Yabaal ee gobolka Shabeelaha Dhexe, halkaasi oo ay ciidamada ka sifeeyeen haraadiga Al-Shabaab.

Yuusuf Cali Caadle ayaa xusay in ciidamada ay sii wadayaan howlgallada ka dhanka ah haraadiga Al-Shabaab, si guud ahaan gobolka Shabeelaha dhexe looga xoreyn lahaa nabad diidka Al-Shabaab.

Get real time updates directly on you device, subscribe now.

Comments are closed.

This website uses cookies to improve your experience. We'll assume you're ok with this, but you can opt-out if you wish. Accept Read More

Do NOT follow this link or you will be banned from the site!