Ciidamada Puntland oo 100 tahriibayaal ah ka soo dejiyey doon ka shiraacatay Boosaaso

Mareeg.com: Ciidamada badda maamulka Puntland ayaa gacanta ku dhigay dad tahriibayaal ah oo ka ambabaxay magaalada Boosaaso ee xarunta gobalka Bari, kuna sii jeeday dalka Yemen.

Tirada dadka tahriibka ah ee la qabtay ayaa gaaraya 106 qof, waxaana u badan dad u dhashay wadanka Itoobiya.

Dadkaan ayaa markii la qabanayay la socday doon yar, taasoo halis ku ah noloshooda.

Taliyaha Ciidanka Badda Puntland Admiral C/risaaq Diiriye ayaa Saxaafadda u sheegay in dadka lasoo qabtay ay ku jiraan kuwii wax tahriibinayay, waxaana uu intaas ku daray in howlgalada lagula dagaalamayo tahriibka sii socon doono.

Waxaa dadkaan ku jiray 26 haween ah oo dhammaantoodba Itoobiyaan ah, waxaana saraakiisha maamulka Puntland ay sheegeen in dadkani cadaaladda la hor keeni doono.

Kumananaan tahriibayaal Afrikaan iyo Soomaali ah ayaa naftooda ku biimeeya badda u dhaxeysa Soomaaliya iyo Yemen.

Mareeg Media

About A warsame 9751 Articles
Published by A Warsame .He can be reached by news@mareeg.com or Mobile :+447737886245