Ciidamada Maamulka Galmudug oo ku wajahan Degaano ay ku sugan yihiin Al Shabaab * Mareeg.com somalia, World News and Opinion.
Mareeg Media
Somalia

Ciidamada Maamulka Galmudug oo ku wajahan Degaano ay ku sugan yihiin Al Shabaab

Gaalkacyo (Mareeg)—Madaxa howlgelinta Ciidamada Galmudug ee Gobolka Mudug, C/kariin Maxamed Maxamuud ayaa ka warbixiyay dhaq dhaqaaqyo Ciidan oo ay ka wadaan qeybo ka mid ah Gobolkaasi waxuuna xusay in ay ku wajahan yihiin Degaano iyo Degmooyin ay gacanta ku hayaan Xarakada Al Shabaab.

Taliye C/kariin Maxamed Maxamuud oo la hadlay warbaahinta soomaalida ee Magaalada Muqdisho ayaa sheegay in ay heleen xogo ku aadan in Doonyo hub u sida Al Shabaab ay ku soo xirteen Xeebaha ku yaalla Degaano ka tirsan Gobolka Mudug, isagoona xusay in ay ka go’an tahay ka hortaga weerarada qorsheysan ee Al Shabaab.

Geesta kale, Madaxa howlgelinta Ciidamada Galmudug ee Gobolka Mudug ayaa tilmaamay in maalmihii la soo dhaafay in Degaano hoostaga Degmada Xarardheere ay ku Dagaalamayeen Dad xoolo dhaqato ah iyo Xubno ka tirsan Al Shabaab, islamarkaana Dagaal yahano badan ay Al Shabaab soo dhoobeen Degaanadaasi.

Xarakada Al Shabaab ayaa weli waxey maamushaan Degmada Xarardheere iyo Degaano kale oo hoostaga Gobolka Mudug ee bartamaha Dalka Soomaaliya.

Get real time updates directly on you device, subscribe now.

Comments are closed.

This website uses cookies to improve your experience. We'll assume you're ok with this, but you can opt-out if you wish. Accept Read More

Do NOT follow this link or you will be banned from the site!