Ciidamada Khaatumo oo Weerar ku ah Magaalada Laascaanood iyo Cali Khaliif oo ka hadlay Duulaankaas * Mareeg.com somalia, World News and Opinion.
Mareeg Media
Somalia

Ciidamada Khaatumo oo Weerar ku ah Magaalada Laascaanood iyo Cali Khaliif oo ka hadlay Duulaankaas

Wararka ka imaanaya deegaanada uu ka arimiyo maamulka Khaatumo uu Madaxweynaha ka yahay Cali Khaliif Galeyr ayaa sheegaya in ciidamada maamulkaasi ay wadaan diyaar garow ay ugu jiraan weerar ay ku qaadaan Magaalada Laascaanood ee xarunta gobolka Sool.

Madaxweynaha Maamulka Khaatumo State Dr. Cali Khaliif Galeyr, ayaa sheegaya in ciidamada maamulkiisa ay maalmaha soo aadan weerar ku yihiin magaalada Laascaanood ayna rajeenayaan in ay la wareegaan magaaladaasi dhawaan.

Waxa uu tilmaamay Mr Galeyr in ay diyaariyeen ciidamadii loogu tala galay in ay weeraraan Laascaanood lana wareegaan, waxa uuna ugu baaqay dadka maamulkiisa taageersan in ay gacan ka geestaan sidii ay magaaladaasi muhiimka ah ula wareegi lahaayeen.

”Waxaan ku rajo weynahay in aan la wareegno magaaada Laascaanood oo ah magaaladeena, bisha Octoper marka la gaaao waxaan rajo weyn ku qabnaa in Baarlamaanka Khaatumo ay ku shiraan magaalada Laascaanood” Ayuu yiri Madaxweyne Cali Khaliif.

Magaalada Laascaanood ee xaruunta Gobola Sool , waxaa hada maamula gacantana ku haya maamulka Somaliland, lamana oga sida uu Maamulka Khaatumo ay ugu surto galeyso in magaaladaasi ay soo galiyaan gacanta maamulkooda.

Get real time updates directly on you device, subscribe now.

Comments are closed.

This website uses cookies to improve your experience. We'll assume you're ok with this, but you can opt-out if you wish. Accept Read More

Do NOT follow this link or you will be banned from the site!