Ciidamada DFS, AMISOM iyo Al Shabaab oo ku Dagaalamay Gobolka Sh.Hoose

Read Time:43 Second

Shalanbood (Mareeg.com)—Dagaal Culus ayaa Ciidamada Dowladda Soomaaliya, AMISOM iyo Xarakada Al Shabaab waxuu maanta ku dhexmaray Degaanka Shalaanbood ee Gobolka Sh.Hoose.

Dagaalkan oo ahaa mid xoogan ayaa qarxay kadib markii Dagaal yahano ka tirsan Xarakada Al Shabaab ay Weerar culus ku qaadeen fariisimo Ciidamada Dowladda iyo kuwa AMISOM ay ku leeyihiin Degaanka Shalaanbood.

Dadka Degaanka qaarkood oo la hadlay Idaacadda Shabelle ee Magaalada Muqdisho ayaa sheegay in Weerarka Al Shabaab uu ka dhashay iska Dagaaal saacado qaatay oo halkaasi ku dhexmaray labada dhinac.

Wararka ayaa sheegaya in Dagaalkaasi uu ka dhashay khasaaro isugu jira dhimasho iyo dhaawac inkastoo aan weli si rasmi ah loo cayimin.

Ugu dambeyn, Xaalada Degaanka Shalaanbood oo qiyaas ahaan 10Km u jirta Magaalada Marka ee Xarunta Gobolka Sh.Hoose ayaa kacsan maadaama Degaanka laga soo sheegayo in Xiisada Dagaal oo u dhaxeysa Ciidamada Huwanta iyo Al Shabaab.

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %
Instagram did not return a 200.