Ciidamada Booliska & Asluubta Soomaaliya oo yeeshay labo taliye oo cusub * Mareeg.com somalia, World News and Opinion.
Mareeg Media
Somalia

Ciidamada Booliska & Asluubta Soomaaliya oo yeeshay labo taliye oo cusub

Mareeg.com: Golaha Wasiirada Soomaaliya ayaa maanta magacaabaya Taliyaasha booliska iyo Asluubta, kadib kulan ay ku yeesheen Muqdisho, oo uu shir-gudoominayey R/wasaarae Cumar C/rashiid Cali Sharmarke.

Shirka Golaha Wasiirrada ayaa la horkeenay soo jeedin ah in Taliyaha booliska Soomaaliya loo magacaabo Jen. Maxamed Sheekh Xasan Xaamud oo horay usoo noqday wasiirka Gaashaandhiga iyo Taliyaha Nabadsugidda.

Sidoo kale, waxaa Golaha la horkeenay soojeedin kale oo ah in Jen. Bashiir Maxamed Jaamac (Bashiir Goobe) oo horay usoo noqday taliayaha Nabad Sugidda loo magacaabo inuu noqdo Taliyaha ciidanka Asluubta Soomaaliya.

Dood kadib Golaha Wasiirada ayaa isku raacay in Jen. Maxamed Sheekh Xasan Xaamud loo magacaabo Taliyaha ciidanka booliska Soomaaliya, Jen. Bashiir Goobe loo magacaabay Taliyaha ciidanka Asluubta.

Jen. Xaamud ayaa xilka kala wareegi doona taliyihii KMG-ka ahaa ee Booliiska Soomaaliya Jen. Cismaan Gas-Gas oo xilkaas loo dhiibay markii uu si lama filaan ah ugu Geeriyooday Muqdisho sanadkii hore ee 2014 taliyihii hore ee booliiska Somalia Jen. Maxamed Faarax Ismaaciil.

Jen. Bashiir Goobe ayaa isaguna badeli doona Taliyihii hore ee Ciidanka Asluubta Soomaaliyeed S/Guuto Xuseen Xasan Cismaan.

Mareeg Meida

Get real time updates directly on you device, subscribe now.

Comments are closed.

This website uses cookies to improve your experience. We'll assume you're ok with this, but you can opt-out if you wish. Accept Read More

Do NOT follow this link or you will be banned from the site!