Cabdixakiim Camey Oo Loo Doortay Madaxweyne Ku Xigeenka Maamulka Puntland

Garowe, Mareeg.com: Baarlamaanka maamulka Puntland ayaa manta doortay madaxweyne ku xigeen kadib markii gellinkii hore ee manta uu madaxweyne u doortay C/weli Maxamed Cali Gaas.

Doorashada madaxweyne ku xigeenka oo ay ku tartameen 10 musharraxa ayaa sida tii madaxweynaha martay 3 wareeg oo adag.

Wareega 1-aad: Tartanka Madaxweyne kuxigeenka Puntland: Musharax Cabdixakiin Camey ayaa helay 26 cod, Cabdullaahi Timacae ayaa helay 13 cod, Gen. Cabdisamad ayaa helay 12 cod, Karaash ayaa helay 8 cod, Daahir Khaliif ayaa helay 2 cod, Xuseen Xaashi ayaa helay 3 cod, waxaana u gudbey Wareega labaad Cabdixakiin Cabdullaahi Cumar Caney, Cabdullaahi Xirsi timacadde iyo Gen. Cabdisamad Cali Shire

Wareega 2-aad: Tartanka Madaxweyne kuxigeenka Puntland: Musharax Cabdixakiin Camey ayaa helay 35 cod, Cabdullaahi Timacae ayaa helay 17 cod, Gen. Cabdisamad ayaa helay 9 waxaa xumaadey 4 cod, waxaa Final-ka isugu soo harey Cabdixakiin Camey iyo Cabdullaahi Xirsi Timacadde.

Wareega 3-aad Cabdixakiin Cabdullaahi Cumar Camey ayaa helay 48 cod, halka uu helay 16 cod, waxaa xumaaday 1 cod, waxaanan codeyn hal xildhibaan oo goobta ka maqnaa.

Cabdixakiin Cabdullaahi Xaaji Cumar ayaa kazoo jeeda degmada Buuhoodle, wuxuuna ka yimid qurbaha gaar ahaan dalka Maraykanka.

Mareeg.com

About A warsame 9751 Articles
Published by A Warsame .He can be reached by news@mareeg.com or Mobile :+447737886245