Cabdi Qeybdiid: Looma dhama shirka Villa Somalia * Mareeg.com somalia, World News and Opinion.
Mareeg Media
Somalia

Cabdi Qeybdiid: Looma dhama shirka Villa Somalia

Mareeg.com: Madaxweynaha maamul goboleedka GALMUDUG, Cabdi Xasan Cawaale (Qeybdiid) ayaa sheegay in shirka ay Muqdisho ku yeesheen madaxweynaha Soomaaliya, Xasan Sheekh Maxamuud iyo madaxda maamullada Puntland, Jubaland iyo Koonfurta Soomaaliya uu yahay mid aan loo dhameyn, islamarkaana uusan aqbali doonin wixii go’aano ah ee kasoo baxa.

Cabdi Qeybdiid oo ku sugan Muqdisho, ayaa warbaahinta u sheegay in shirka lagu casumay qaar ka mid ah maamul goboleedayada, lagana tegay Galmudug uu yahay mid aan sharci aheyn sida uu yiri.

“Shirka ka socda Muqdisho waxaa ka maqan maamulka Galmudug oo ka mid ah maamuladdii wax ka saxiixay hanaankii looga gudbayey KMG, marka ma aqbali doono wax kasta oo shirkaas kasoo baxa, maadaama aan nagala qeybgelin” ayuu yiri Qeybdiid oo la hadlay VOA.

Dhanka kale, Cabdi Qeybdiid ayaa ku eedeeyey dowladda Soomaaliya iney caga jiidineyso shirkii lagu dhisi lahaa maamulka gobollada Dhexe ee dalka, kaasoo ay ku midoobayaan Galgaduud iyo Mudug.

Mareeg Media 

Get real time updates directly on you device, subscribe now.

Comments are closed.

This website uses cookies to improve your experience. We'll assume you're ok with this, but you can opt-out if you wish. Accept Read More

Mareeg.com somalia, World News and Opinion.