Booliska Iyo Nabadsugida Soomaaliya Oo Xamarweyne Ku Qabtay Walxaha Qarxa * Mareeg.com somalia, World News and Opinion.
Mareeg Media
Somalia

Booliska Iyo Nabadsugida Soomaaliya Oo Xamarweyne Ku Qabtay Walxaha Qarxa

Muqdisho – Mareeg.com: Booliska iyo nabadsugidda Soomaaliya ayaa magaalada Muqdisho ku soo bandhigay agabka laga sameeyo walxaha qarxa ee macmalka ah oo ay ku soo qabteen howlgal ay ka sameeyeen degmada Xamarweyne.

Nabadsugida soomaaliya ayaa helay Aaladaha laga sameeyo walxaha qarxa oo ay ku jirto baaruuda dheemiska ah, sida uu sheegay afhayeenka booliska dalka Maxamed Yuusuf Maddaale.

Madaale ayaa saxaafadda u sheegay in aysan jirin cid lala soo qabtay agabka, balse ay ku raad-joogaan dad looga shakisan yahay inay amni-darrada ku lug-leeyihiin.

Afhayeenka ayaa shacabka ugu baaqay inay degganaansho muujiyaan, isla markaana ay booliska kala shaqeeyaan sugidda amniga, waxayna arrintan imaaneysaa iyadoo laba habeen oo toddobaadkan ah duqeymo laga geystay magaalada Muqdisho.

Agabka laga sameeyo waxyaabaha qarxa ee ay booliska soo bandhigeen ayaa la sheegay inay qeyb ka ahaayeen qalab loo adeegsaday duqeynta Muqdisho ka dhacday.

Ra’isal wasaaraha Soomaaliya ayaa hay’adaha nabadsugida dalka ka dalbaday in ay ka jawaabaan weeraro ka dhacay Muqdisho habeenadii Isniinta iyo salaasadii.

Mareeg.com

Get real time updates directly on you device, subscribe now.

Comments are closed.

This website uses cookies to improve your experience. We'll assume you're ok with this, but you can opt-out if you wish. Accept Read More

Do NOT follow this link or you will be banned from the site!