Beledxawo oo Alshabaa Gacanta u Galay

Read Time:1 Minute, 2 Second

September 11 (Mareeg— Al-Shabaab ayaa isaga baxay degmada Beledxaawo oo saacado ka hor ay la wareegeen, kaddib markii saaka aroortii ay weerar ku qaadeen.

Duqeymo xooggan oo ciidamada Kenya ku qaadeen Beledxaawo ayaa la sheegay in Al-Shabaab isaga baxeen, sida dadka deegaanka ay sheegayaan.

Diyaarado Helicoptero ayaa la sheegay inay dul heehaabayeen degmada, markii Al-Shabaab la wareegeen, waxaana xaalada ay iminka tahay mid degan.

Al-Shabaab ayaa saaka waabarigii weerar xooggan ku qaadan saldhig ciidan oo ku yaalla duleedka Beledxaawo, halkaasoo fariisin u aheyd Ciidamada daraawiishta Jubbaland iyo ciidamada milateriga.

Weerarkaas ayaa ku bilowday gaari waxyaabaha qarxa laga soo buuxiyay oo saldhiga lagu qaaday, kaddibna ay xigtay dagaal toos ah.

Sidoo kale Al-Shabaab ayaa weeraray saldhig boolis oo ku yaalla gudaha degmada, waxaana markii dambe u suurta gashay inay la wareegaan.

Afhayeenka howl galada Al-Shabaab oo la hadlay wakaalada wararka ee Reuters ayaa sheegay in dagaalka ay ku dileen in ka badan 20 askari.

Lama oga illaa iyo hada khasaaraha ka dhashay dagaalka, maadaama ay xilli hore tahay, mana jirto wax war ah oo ka soo baxay Maamulka Jubbaland iyo dowladda Federaalka.

Degmada Beledxaawo ayaa ku dhow xuduuda Kenya, waxayna dhowr KM u jirtaa magaalada Mandhera ee gobolka waqooyi bari Kenya.

About Post Author

A warsame

Published by A Warsame is senior Editor and managing Director of Mareeg Media Whatup :+447737886245
Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %