Baarlamanka Soomaaliya oo ansixiyey Hindise Sharciyeedka Hanti-dhowrka Qaranka * Mareeg.com somalia, World News and Opinion.
Mareeg Media
Somalia

Baarlamanka Soomaaliya oo ansixiyey Hindise Sharciyeedka Hanti-dhowrka Qaranka

Muqdisho: Baarlamaanka Soomaaliya ayaa maanta ansixiyay Hindise-sharciyeedka hanti-dhowrka Qaranka oo ka mid ahaa hindisayaasha ay xildhibaannadu ka doodayeen dhowrkii casho ee lasoo dhaafay, iyadoo hidisahan uu maray saddex marxaladood ee aqrinta.

Mudanayaal 12 ah ayaa horay ugu soo gudbiyay baarlamaanka si loosoo af-jaro dooddii maalmahan ay xildhibaannada ka lahaayeen, iyadoo ay xubnaha baarlamaanku isla maanta u codeeyeen sharcigan.

Guddoomiye ku xigeenka labaad ee baarlamaanka Somalia, Jeylaani Nuur Iikar oo kulanka maanta shir-gudoominayay ayaa ka codsaday xildhibaanada inay u codeeyaan sharcigan, iyadoo codeyntu ay ahayd mid gacan-taag ah.

“Sharcigan waxaa u codeysay 158 mudane oo kulanka goobjoog ka ahaa, waxaa ogolaatay 154-xildhibaan, waxaana diidday afar mudane oo keliya, mana jirin mudane ka aamusay,” ayuu yiri IIkar oo natiijiada codeynta ku dhawaaqay.

Hindise-sharciyeedka oo ah mid uu wixii maanta ka dambeeya ku howl-geli doono hanti-dhowrka guud ee Qaranka, Nuur Jimcaale Faarax ayaa hadal uu ka jeediyay baarlamaanka wuxuu uga mahad-celiyay sida ay sharcigan u ansixiyeen.

Guddoonka baarlamaanka Soomaaliya ayaa wuxuu sheegay inay weli horyaallaan hindise sharciyeedyo kala duwan oo uu codsaday Jawaari in la ansixiyay ka hor inta aan la gaarin shanta bisha soo socota oo lasoo xiri doono kal-fadhiga shanaad ee baarlamaanka Soomaaliya.

Get real time updates directly on you device, subscribe now.

Comments are closed.

This website uses cookies to improve your experience. We'll assume you're ok with this, but you can opt-out if you wish. Accept Read More

Do NOT follow this link or you will be banned from the site!