Axmed Madoobe iyo Shariif Xasan oo gaaray Garowe

Mareeg.com: Hoggaamiyeyaasha maamullada Jubba iyo Koonfur-galbeed Soomaaliya ayaa gaaray magaalada Garowe ee xarunta Puntland, halkaasoo uu ku soo dhaweeyey madaxweynaha Puntland iyo mas’uuliyiin ka tirsan maamulkiisa.

Axmed Maxamed Islaan (Axmed Madoobe), hoggaamiyaha maamulka KMG ee Jubba, iyo hoggaamiyaha maamulka koonfur-galbeed Soomaaliya Shariif Xasan Sheekh ayaa ka qeybgalayo wajiga labaad ee shirka wada-tashiga dowladda federaalka iyo maamul goboleedyada, oo looga hadlayo barnaamijka hiigsiga cusub iyo qodobba kale oo la xiriiira geedi-socodka nabadda dalka.

Labada mas’uul ayaa u sheegay saxaafadda, in ay rajeynayaan in shirku ka soo baxaan qodobba dhaxgal u ah shacabka Soomaaliyeed.

Horay, waxaa ugu sii sugnaa Garowe madaxweyne Xasan Sheekh Maxamuud oo isna ka qeybgalayo shirka wada-tashiga.

About A warsame 9751 Articles
Published by A Warsame .He can be reached by news@mareeg.com or Mobile :+447737886245