AMISOM: Waan fureynaa wadooyinka Alshabaab xireen * Mareeg.com somalia, World News and Opinion.
Mareeg Media
Somalia

AMISOM: Waan fureynaa wadooyinka Alshabaab xireen

Mareeg.com: Howlgalka Midowga Afrika ee AMISOM ayaa sheegay inuu dhawaan qaadayo howlgal lagu furayo wadooyinka gala degmooyinkii dhawaan Alshabaab laga saaray ee ururkaasi go’doomiyey.

Ku-xigeenka wakiilka Midowga Afrika ee Soomaaliya, ahna ku-simaha madaxa AMISOM, Lydia Wanyoto Mutende ayaa sheegtay inay raalli-gelin ka bixinayso dib u dhaca ku yimid codsigii dowladda Soomaaliya ee ku aaddanaa in AMISOM ay furto waddooyin deegaannada ay go’doomisay Al-shabaab, si gargaar loo gaarsiiyo dadka ku dhihbaateysan deegaannadaas.

“Waxaan dhawaan billaabi doonnaa howlgallo aan Al-shabaab kaga saarayno deegaannada ay ku harsan yihiin, waddooyinkana waan furi doonnaa, si shacabka loo caawiyo,” ayay tiri Lydia Wanyoto.

Lydia Wanyoto Mutende ayaa sidoo kale sheegtay inay dar-dar-gelinayaan howlgalada lagula wareegayo deegaannada ay gacanta ku hayso Al-shabaab ee Koonfurta iyo bartamaha Soomaaliya.

Dowladda Soomaaliya ayaa dhawaan weydiisatay AMISOM iney furto wadooyinka Alshabaab xireen ee gobollada dalka, iyadoo arintaas culeys dhaqaale ku keentay shacabka ku nool degmooyinkaas.

Mareeg Media

Get real time updates directly on you device, subscribe now.

Comments are closed.

This website uses cookies to improve your experience. We'll assume you're ok with this, but you can opt-out if you wish. Accept Read More

Do NOT follow this link or you will be banned from the site!